අපි ගොඩක් දෙනා ආසයි සිංදු අහන්න. ගමනක් යනකොට අපිට නැතුවම බැරිම දෙයක් තමයි සිංදු කියන්නෙ. ගමනක් යනකොට විතරක් නොවේ, අපි සතුටෙන් ඉන්නකොට, දුකෙන් ඉන්නකොට වගේ එකි මෙකී ඕනෑම mood එකක ඉන්නකොට mood fix කර ගන්න, සතුට වැඩි කර ගන්න නැතුවම බැරි දෙයක් තමයි සිංදු.

ගොඩක් වෙලාවට අපි youtube එකෙන් download කරලා අහනවා. නැත්තම් mp3 එකක් download කරලා අහනවා. ඇත්තටම ගත්තොත් ඒ දෙවිදියම එතරම් සදාචාර සම්පන්න නෑ. මොකද, අපි ඒ විදිහට සිංදු download කළාම ගීතයේ හිමිකරුවන්ට කිසිදු ආකාරයකින් මුදලක් නොලැබෙන නිසා. නමුත් music stream සේවාවක් ඔස්සේ අප සිංදු අසන විට ගීතයේ හිමිකරුවන්ට යම් මුදලක් බැර වේ. නමුත් ගොඩක් වෙලාවට සිදු වන්නේ වෙනම වෙනම download කරලා අහන්න අකැමති නිසා steam service එකක් ලබා ගන්න පෙලඹෙනවා. සරලව කිව්වොත් Apple music, Spotify වගේ service එකක subscription එකක් මිලදී ගන්න එක වටිනවා. එම සේවාවන් තුලින් සිංදු online streaming, offline download, සිංදු share කිරිම, playlist sharing ආදී පහසුකම් ලබා ගන්න පුලුවන්. මීට අමතරව ඔබට සිටින mood එක අනුව ඔබේ mood එකට ගැලපෙන නවතම playlists මෙම සේවා තුල අන්තර්ගතකර ඇත. ඔබට එම playlists රිසි පරිදි තෝරාගෙන ඒවාට සවන්දිය හැකිය.

දැනට ලෝකයේ Apple Music, Spotify, YouTube Music, Tidal, Amazon Music, Deezer, Qobuz, Soundcloud, Hungama... ආදී නොයෙකුත් stream services තියෙනවා. නමුත් අපිට ලංකාව තුල මෙම සේවාවන්ගෙන් අත්විඳිය හැක්කේ සේවාවන් කිහිපයක් පමණි. ඒවා නම්

1. Apple Music

2. Spotify

3. Deezer

4. Hungama

5. Soundcloud

මෙම ලිපියෙන් ශ්‍රී ලංකාව තුල වඩාත් ජනප්‍රිය music stream service දෙකක් වන Apple Music සහ Spotify අතර සැසඳීමට බලාපොරොත්තු වෙමි. එමගින් ඔබට වඩාත් සුදුසු සේවාව කුමක්ද යන්න තිරණය කර ගත හැකි වනු ඇතැයි සිතමි.

මුලින්ම අපි කතා කරමු මේම සේවාවන් සපයන audio filesවල quality එක ගැන. Spotify ඔස්සේ 24 kbps, 96 kbps, 160 kbps සහ 320 kbps යන bitrate වල file ලබා ගන්න පුලුවන්. නමුත් Apple music තුලින් 256 kbps bitrate එකේ files ලබා ගත හැක. නමුත් apple සමාගම 2021 වසරේදී lossless audioත් පාරිභෝගිකයන්ට පෙර මුදලටම ලබා දීමට කටයුතු කලා. නමුත් ගොඩක් අයට මොකක්ද මේ lossless audio කියන්නේ කියන එක ගැන ලොකු අදහසක් නෑ. Long story short, studio තුලදී record කරන සිංදුව අවසානයේදී ශ්‍රාවකයන් හට ලබාදීමට පෙර එහි file size අඩු කිරිමක් සිදු කරනවා. එලෙස සිදු කරන්නේ යම් ඉඩ ප්‍රමාණයක් මත save කල හැකි file ප්‍රමාණය වැඩි කිරිමටය. එලෙස file size එක අඩු කරන්නෙ මුල් සිංදුවේ bitrate අඩු කිරිමෙනි. Lossless audio ගැන අපි වෙනම ලිපියකින් කතා කරමු. දැනට ඔබ bluetooth headphone එකක් හෝ low quality audio system එකක් use කරනවා නම් ඒ ගැන වද නොවන්න.මොකද ඔබට lossless හෝ compressed audio file දෙකක් අතර වෙනස අත්විඳිමට නම් හොඳ audio system එකක් තිබීම අත්‍යාවශ්‍ය සාධකයකි. අවසානයේදී audio quality එක ගැන සැලකීමේදී spotify ඉදිරියෙන් සිටියත් 320kbps හා 256kbps අතර ලොකු වෙනසක් අපට අත්විඳිය නොහැකිය.

මිල ගණන් සැසඳීමේදී spotify විසින් මසකට රු.529ක මුදලක් අය කරයි. නමුත් ඔබ apple music මිලදී ගැනීමට සිතන්නේ නම් මසකට $2.99(රු.600) මුදලකට ලබා ගත හැක. තවද මෙම සේවාවන් දෙකම තවත් plans හදුන්වාදී ඇති අතර විශේෂයෙන්ම සිසුන් හට විශේෂ මුදලකට සේවාවන් ලබා දීමට කටයුතු කර ඇත. Spotify මසකට රු.265කටත් Apple Music $1.49(රු.300) වැනි මුදලකට එම සේවාව ලබා දෙයි. ඒ සදහා Apple music නම් Unidays හරහා තමාගේ ශිෂ්‍යභාවය තහවුරු කල යුතු අතර Spotify සදහා SheerID හරහා ශිෂ්‍යභාවය තහවුරු කල යුතුය. ඒ සදහා අවශ්‍ය තොරතුරු ලබාදුන් පසුව දවසක් වැනි කෙටි කලක් තුලදී තම ශිෂ්‍ය භාවය තහවුරු කර ගත හැක. තවද student plans තුලදී Apple Music විසින් Apple TV+ සේවාවද සිසුන්ට අමතර වියදමකින් තොරව ලබාදී ඇත.

මෙම සේවාවන් දෙකම සතුව ගීත විශාල සංඛ්‍යාවක් ඇත. Spotify සතුව ගීත මිලියන 70ක් ද apple music සතුව මිලියන 75ද ඇත. නමුත් සියලුම ලාංකීය ගීත මෙම සේවාවන් තුළ දැකිය නොහැකි නමුත් සැලකිය යුතු ප්‍රමාණයක ලාංකීය ගීත මෙම සේවාවන් තුළ ඇත. නව කලාකරුවන්ගේ ගීත බොහොමයක් මෙම තාක්ෂණය සමග එක්වී ඇති මුත් පැරණි කලාකරුවන්ගේ ගීතවල අඩුවක් දැක ගත හැකිය.

ඉහත කරුණු සලකා බැලීමේදී ඔබට අවශ්‍ය සේවාව කුමක්ද යන්න තීරණය කරගත හැකිවනු ඇතැයි මා විශ්වාස කරමි. ඔබ දැනටමත් ඉහත එක් සේවාවක් හෝ භාවිතා කරන අයෙක් නම් ඔබට අනෙක් සේවාවකට මාරු වීමට අවශ්‍ය නම්, එය පහසුවෙන් කල හැකිය. ඔබගේ playlists අලුතෙන් නිර්මානය කර ගැනිමට වෙහෙස විය යුතු නැත. ඒ සදහා Tunemymusic, Soundiiz වැනි වෙබ් අඩවිවල සහායෙන් පහසුවෙන් playlist එක් සේවාවක සිට අනෙකට මාරු කර ගත හැකිය.

Extra tip