සෑම දාමයක්ම Blocks කිහිපයකින් සමන්විත වන අතර සෑම කොටසකම මූලික අංග තුනක් ඇත:

1. Block එකේ දත්ත.

2. Nonce ලෙස හැඳින්වෙන බිට් 32 ක සම්පූර්ණ සංඛ්‍යාවක්. Block එකක් සෑදූ විට අහඹු ලෙස උත්පාදනය වන Nonce, පසුව Block Header Hash උත්පාදනය කරයි.

3. Hash යනු Nonce සමඟ සම්බන්ධ වූ බිට් 256ක අංකයකි. එය 0 විශාල සංඛ්‍යාවකින් ආරම්භ විය යුතුය (එනම්, ඉතා කුඩා විය යුතුය).

දාමයක පළමු කොටස සෑදූ විට, Nonce විසින් Cryptographic Hash උත්පාදනය කරයි. Block එකේ ඇති දත්ත අත්සන් කළ බව සලකන අතර Mine නොකළහොත් Nonce සහ Hash සමඟ සදහටම බැඳී ඇත.

Miners ලෙස හැඳින්වෙන පුද්ගලයින් විසින් mining නම් ක්‍රියාවලිය තුළින් දාමයේ නව Blocks සාදයි.

Blockchain එකක සෑම Block එකකටම තමන්ටම ආවේණික Nonce අගයක් සහ Hash එකක් ඇත. නමුත් දාමයේ මෙයට පෙර ඇති Block එකේ Hash ගැනද සඳහන් වේ. එබැවින් විශේෂයෙන් විශාල Blockchain වල ඇති Blocks, mine කිරීම පහසු නොවේ.

පිළිගත් Hash එකක් උත්පාදනය කරන Nonce අගයක් සොයා ගැනීමේ ඇදහිය නොහැකි තරම් සංකීර්ණ ගණිත ගැටළුව විසඳීම සඳහා Miners නම් පුද්ගලයින් විසින් විශේෂ මෘදුකාංග භාවිතා කරති. Nonce බිට් 32 ක් පමණක් වන අතර Hash 256 ක් වන හෙයින්, නිවැරදි අගය සොයා ගැනීමට අපහසු වන්නේ දළ වශයෙන් බිලියන 4 ක් පමණ Nonce, Hash සංයෝජන තිබෙන බැවිනි. එසේ සොයාගන්නා අගය "Golden Nonce" ලෙස හඳුන්වයි. මෙම අගය සොයාගත් පසු ඔවුන්ගේ Block එක දාමයට එකතු වේ.